മഴയുടെയും കാറ്റിന്റെയും കണക്ക് വേ​ഗത്തിൽ ലഭ്യമാകാൻ കാലാവസ്ഥാ നിരീക്ഷണ കേന്ദ്രമൊരുങ്ങുന്നു.  കാസർകോട് പനത്തടി പഞ്ചായത്തിലാണ് കാലാവസ്ഥാ നിരീക്ഷണ കേന്ദ്രമൊരുങ്ങുന്നത്.  ആവശ്യമായ സ്ഥലം പഞ്ചായത്താകും വിട്ടുനൽകുക.   നിലവിൽ ഏഴ് നിരീക്ഷണ കേന്ദ്രങ്ങൾ ജില്ലയിലുണ്ട്.കാലാവസ്ഥാ വ്യതിയാനം വേ​ഗത്തിൽ തിരിച്ചറിയാനുള്ള ഓട്ടോമാറ്റിക്‌ കാലാവസ്ഥാ നിരീക്ഷണകേന്ദ്രമാണ്  സ്ഥാപിക്കുക.കാലാവസ്ഥയുമായി ബന്ധപ്പെട്ട് പ്രാദേശികമായി കൂടുതൽ വിവരങ്ങൾ വേ​ഗത്തിൽ ലഭ്യമാക്കുകയാണ് ലക്ഷ്യം. 2018-ൽ വെള്ളപ്പൊക്കത്തെ തുടർന്നാണ് സംസ്ഥാനത്ത് കൂടുതൽ കാലാവസ്ഥാ നിരീക്ഷണ കേന്ദ്രങ്ങൾ തുടങ്ങാൻ തീരുമാനിച്ചത്. കേന്ദ്ര കാലാവസ്ഥാ വകുപ്പും സംസ്ഥാന ദുരന്തനിവാരണ സഹകരിച്ചാണ് പ്രാദേശികമായി ഇവ സ്ഥാപിക്കുന്നത്.

admin