എല്ലാത്തരം ക്രിക്കറ്റിൽ നിന്നും വിരമിക്കൽ പ്രഖ്യാപിച്ച് കൊണ്ട് ഒരു പോസ്റ്റ് ഉത്തപ്പ സോഷ്യൽ മീഡിയയിൽ പങ്കുവെച്ചു. ഈ മഹത്തായ കരിയറിൽ ഇന്ത്യയെയും കർണാടകയെയും പ്രതിനിധീകരിക്കാൻ സാധിച്ചത് ഏറ്റവും വലിയ ബഹുമതിയാണെന്ന് അദ്ദേഹം പറഞ്ഞു . 2004ലെ അണ്ടർ 19 ലോകകപ്പ് ഉത്തപ്പ കളിച്ചു. രണ്ട് വർഷത്തിന് ശേഷം അന്താരാഷ്ട്ര ക്രിക്കറ്റിൽ അരങ്ങേറ്റം കുറിച്ച അദ്ദേഹം ഇന്ത്യക്കായി 46 ഏകദിനങ്ങളിലും 13 ടി20
മത്സരങ്ങളിലും കളിച്ചിട്ടുണ്ട്. ഇന്ത്യൻ പ്രീമിയർ ലീഗിൽ 205 മത്സരങ്ങൾ കളിച്ച റോബിൻ ഉത്തപ്പ 27.5 ശരാശരിയിലും 130.3 സ്ട്രൈക്ക് റേറ്റിലും 4952 റൺസ് നേടി.
ഉത്തപ്പ തന്റെ ആക്രമണാത്മക ബാറ്റിംഗിന് പേരുകേട്ടവനായിരുന്നു, ഇത് 2006 ൽ അദ്ദേഹത്തിന് അന്താരാഷ്ട്ര അരങ്ങേറ്റം നേടിക്കൊടുത്തു,
പക്ഷേ മോശം ഫോം കാരണം 2007 ലെ ടി 20 ലോകകപ്പിന് ശേഷം ഉത്തപ്പയ്ക്ക് പുറത്തു പോകേണ്ടിവന്നു. തന്റെ ആരാധകർക്കും അഭ്യുദയകാംക്ഷികൾക്കുമായി അദ്ദേഹം രണ്ട് പേജുള്ള ഒരു വൈകാരിക കത്ത് എഴുതി 2007 ലെ ടി 20 ലോകകപ്പിലെ അദ്ദേഹത്തിന്റെ ചിത്രത്തോടൊപ്പം സോഷ്യൽ മീഡിയയിൽ പോസ്റ്റ് ചെയ്തിരുന്നു .

admin